Ka mbyllur sytë në moshën 94-vjeçare ish-bashkëshortja e Ronald Reagan-it, presidentit amerikan në vitet 1980.
Nancy Reagan, një ish-aktore e njohur e viteve ’40 dhe ’50 të shekullit të shkuar, do të njihej në vitin 1949 me Ronald Reagan-in, me të cilin do të lidhte kurorë tre vite më pas. Ndërsa dhe i shoqi ishte një aktor i njohur i Hollywood-it, të dy luajtën së bashku në një film në vitin 1956, në atë me titull, “Hellcats of the Navy”.
Siç e përshkruan dhe BBC-ja në lajmin e vet, martesa e saj me Ronald Reagan-in do të përshkruhej
njëherë e një kohë si historia më e madhe e dashurisë e presidencës amerikane.
Zonja e Parë e SHBA-ve në vitet 1981-1989, ajo do të linte gjurmë me ndikimin e saj të thellë. Asaj fillimisht do t’i duhej të përballej me kritikat për rinovimin e kushtueshëm të Shtëpisë së Bardhë, për t’u bërë më pas një figurë mjaft e dashur.
I shoqi i saj, ish-presidenti amerikan Ronald Reagan, u largua nga kjo botë në vitin 2004. /tesheshi.com/
