Ka ndërruar jetë në moshën 112 vjeçare në Japoni Koide Yasutaro, burri më i vjetër në botë, i regjistruar në Librin e Rekordeve Guiness.
Lajmi është bërë i ditur nga mediat lokale, të cilat shpjegojnë se burri mbi 10 vjeç është prekur nga një atak kardiak dhe nga bllokimi i njërës mushkëri në qytetin Nagoya, ku u shtrua edhe në spital për shkak të insufiçencës karidake kronike.
I lindur në prefekturën Fukui më 13 mars të vitit 1903, vit në të cilin vëllezërit Wright me avionin e tyre Flyer realizuan fluturimin e parë në botë, duke nisur një epokë të re. Koide për vite me radhë punoi si rrobaqepës në vendlindje, në qytetin Tsuruga.
Në muajin gusht të vitit të shkuar ai fitoi titullin e burrit më të moshuar në botë, pasvdekjes së një japonezi tjetër, Sakari Momoi, rreth një muaj më i madh në moshë se Kodie.
Në vitin 2015 numri i personave mbi 100 vjeç, për herë të parë në Japoni kaloi mbi 60 mijë. Duke iu përgjigjur një pyetje në lidhje me sekretin e jetëgjatësisë së tij, Kodie kishte thënë: “gjëja më e mirë që mund të bëni është të mos konsumoni duhanin, alkoolin dhe të jetoni të lumtur e në harmoni”.
Rekordi tani i kalon një tjetër japonezi, Masamitsu Yoshida, 111 vjeç, i lindur më 30 maj të vitit 1904 në Tokio. Ndërkohë, sipas Guinness World Records, personi më i moshuar në botë është padyshim Susannah Mushatt Jones, 116 vjeçe, banuese në New York./tesheshi.com/
