Beau Biden, djali i madh i zv.Presidentit të SHBA, Joe Biden, ka ndërruar jetë “pas një beteje me tumorin në tru”. Këtë e ka bërë publike vetë Biden në një komunikatë, në të cilën kujton se Beau “ia dedikoi jetën e tij shërbimit ndaj të tjerëve, si avokat, si major i Gardës Kombëtare në Kosovë, dhe në luftën në Irak, për të cilën dhe është dekoruar. Ka qenë prokuror i përgjithshëm i shtetit të Dellaware. Ai ishte 46 vjeç, ka lënë bashkëshorten Hallie dhe dy fëmijë.
“Mishelle dhe unë këtë natë jemi në zi”, ka shkruar Presidenti Barack Obama, në një letër ngushëllimi për vdekjen e Beau Biden,
“Ishte një mik i yni”, ka vazhduar, duke theksuar se “I ngjante shumë Joe. Studioi për drejtësi si i ati, në të njëjtin universitet dhe zgjodhi një jetë në shërbim të të tjerëve. Dhe si i ati, ishte totalisht i përkushtuar ndaj familjes së tij. Dhe familja Biden është më e madhe sesa ata e mendojnë. Në shtetin e Delaware, ku jetojnë dhe në të gjithë vendin, të cilit i ka shërbyer për mbi 40 vjet. Por ata kanë edhe një familje këtu, në Shtëpinë e Bardhë”.
/tesheshi.com/
