Kolegji Zgjedhor pushoi çështjen dhe shpalli moskompetencën për ankimimin e ish-deputetit Dashamir Tahiri, i cili kërkonte shfuqizimin e vendimit të KQZ për heqjen e mandatit të deputetit. “Çështja do të dërgohet në Gjykatën Administrative të Shkallës së Parë për shqyrtim”, tha avokati.
Në seancën e ankimimit ishin të pranishëm përfaqësues të KQZ dhe Prokurorisë së Përgjithshme, ndërsa Tahiri përfaqësohej nga avokati i tij.
Avokati i Dashamir Tahirit deklaroi se dënimi i klientit të tij u vendos në mungesë dhe ai ishtë vënë në dijeni kur është marrë nga Prokuroria.
“Ky vendim është i falur ne 2006. Ndërkaq vendimi i KQZ është marrë me një shumicë të thjeshtë dhe duhet të ishte marrë me shumicë të cilësuar” shtoi ai.
Nga ana tjetër, përfaqësuesja e KQZ-së tha se Kolegji Zgjedhor nuk është kompetent për të shqyrtuar këtë kërkesë. /tesheshi.com/
