Papa Françesku konfirmoi të martën se kishte marrë një letër nga presidenti venezuelian Nicolas Maduro dhe tha se Vatikani ishte i gatshëm të ndërhyjë në Venezuelë nëse kërkohet nga të dyja palët.
Gjatë një bisede me reporterët në aeroplan gjatë kthimit të nga Abu Dhabi, ai tha se ende nuk e kishte lexuar letrën.
Maduro i tha rrjetit italian Sky TG24 të hënën se i kishte dërguar një letër Papës, “duke i kërkuar atij ndihmë në procesin e lehtësimit dhe forcimit të dialogut”.
“Do ta lexoj letrën dhe do të shoh se çfarë mund të bëhet, por kushti i parë është që të dy palët të kërkojnë dialog. Ne jemi të gatshëm”, tha Papa.
Duke pasur parasysh përpjekjet e pasuksesshme të dialogut deri më tani, dhe një prej tyre të udhëhequr nga Vatikani, opozita në Venezuelë dyshon dhe beson se Maduro po përpiqet të blejë kohë.
Ndërmjetësimi zyrtar duhet të jetë hapi i fundit në diplomaci.
Para kësaj, Vatikani dhe bashkësia ndërkombëtare duhet të ndërmarrin disa hapa paraprakë, konsideron Papa.
“Duhet të përpiqemi të afrohemi nga njëra anë dhe të fillojmë procesin e dialogut”, tha ai.
Vendet e mëdha evropiane janë bashkuar me Shtetet e Bashkuara, të cilat kanë njohur udhëheqësin e opozitës Juan Guaidp si presidentin legjitim të Venezuelës deri në shpalljen e zgjedhjeve të reja. Po kështu dhe shumica e vendeve të Amerikës Latine. Por Maduro refuzon të thërrasë zgjedhjet. /tesheshi.com/
