Ndërmjetësi i Bashkimit Europian në krizën politike në Maqedoni, Piter Vanhautte, në një intervistë për javoren “Fokus” është deklaruar për çështje aktuale rreth Maqedonisë.
I pyetur nëse fjalët se BE do të vendosë sanksione ndaj udhëheqësve të DPMNE-së është ky vetëm kërcënim që pushteti të kthjellet, Vanhautte është shprehur se po diskutohet mundësia për një gjë të tillë.
“Jam i sigurt se tani diskutohet mundësia për një gjë të tillë. Qasja është e njëjtë si ndaj Rusisë. Nuk bëhet fjalë për embargo të përgjithshme, e cila do të ishte e dëmshme për popullin e Maqedonisë, gjë që nuk duam të ndodh, por nëse kemi sanksione të targetuara, restrikcione për udhëtime të funksionarëve, ngrirje të pasurisë së tyre, atëherë këto janë metoda efektive për t’i bindur njerëzit të sillen në mënyrë më demokratike”. – është përgjigjur Vanhautte. /tesheshi.com/
