Ndërkombëtarët kanë zbuluar një skandal të ri në sistemin e drejtësisë së Maqedonisë. Avokatët e Nikolla Gruevskit e kanë ditur që më parë se si do të votonte trupi gjykues i Gjykatës së Shkupit për paraburgimin e ish-kryeministrit të Maqedonisë.
Pikërisht për të siguruar shumicën e votave, avokatët kërkuan ndërrimin e një gjyqtari, i cili do të votonte për arrestimin e kreut të VRMO-DPMNE.
Lajmin e ka bërë të ditur seksioni maqedonisht i Deutsche Welle-s, i cili i referohet burimeve nga Gjykata Penale.
Bëhet falë për çështjen “Titanik” lidhur me votimin që duhej të bëhej prej këshillit treanëtarësh të gjykatësve.
Ngjarja është parandaluar, pasi mbrojtja e Gruevskit ka mësuar se si do të votohet dhe ka kërkuar ndërrimin e një gjykatësit Darko Todorovski. Por edhe pas ndërrimit trupi gjyqësor ka vendosur për masën e përkujdesjes, duke votuar 2 me 1. Sipas kësaj, Gruevskit dhe bashkëpunëtorëve të tyre u janë marrë pasaportat dhe janë urdhëruar që të paraqiten në gjykatë.
Në rastin “Titanik” që ka të bëjë për manipulime zgjedhore, Prokuroria Speciale ka ngritur aktakuzë ndaj 20 vetave, ku bëjnë pjesë Nikolla Gruevski, Gordana Jankullovska, Mile Janakievski, Kiril Bozhinovski dhe Martin Protugjer
/tesheshi.com/
