Të tjera mesazhe ndërkombëtare kanë mbërritur në adresë të opozitës shqiptare, ku kritikohet vendimi i saj ekstrem për heqjen dorë nga mandatet, pra një vetëikje e paprecedent nga jeta përlamentare.
Në një deklaratë të fundit, ambasadori i BE-së Luigi Soreca, edhe njëherë apeloi kthimin e opozitës në parlament
“Javën e kaluar thashë që vendimi për të djegur mandatet mund të krijonte një moment paqartësie, dhe do të duhet kohë përpara se të vijë kjo siguri nga KQZ dhe KQZ do t’i duhet kohë më shumë se ç’kemi menduar. Prandaj kemi thënë që djegia e mandateve do të ishte kundërproduktive për demokracinë”, tha Soreca.
Nga ana tjetër, në një deklaratë nga Asambleja Parlamentare e Këshillit të Evropës, thuhet se “Në një shoqëri demokratike parlamenti është qendra e debatit politik, dialogut dhe e diskutimit. Në një shoqëri demokratike, Parlamenti është qendra e debatit politik, dialogut dhe diskutimit. Parlamentarët i përkasin parlamentit. Deputetët e opozitës të rishikojnë dorëheqjet e tyre dhe të kthehen në Parlament“. /tesheshi.com/
