Ambasadori i SHBA-së në Tiranë Donald Lu dhe ajo e BE-së Romana Vllahutin, kanë zhvilluar sot për herë të parë një takim në selinë e PD-së me Lulzim Bashën dhe Sali Berishën së bashku për të mësuar live qëndrimin e tyre për reformën në drejtësi, përpara vizitës në Tiranë të Sekretarit të Shtetit të SHBA-së, John Kerry.
Siç mësohet takimi ka zgjetur rreth 2 orë dhe është folur vetëm për qëndrimin e PD-së për të votuar reformën në drejtësi dhe Byronë Kombëtare të Hetimit.
Të hënën në mbrëmje eurodeputetët Kukan e Flekenstein kanë darkuar me dy ambasadorët, Lu dhe Vllahutin, duke patur si shqetësim gjetjen e një zgjidhjeje të kënaqshme, në mënyrë që opozita të japë pëlqimin për një formulë që ajo e konsideron se sistemi i drejtësisë nuk vihet nën kontrollin e qeverisë.
/tesheshi.com/
