Ndërkombëtarët në Tiranë kanë karrikuar fort brezin e ri të magjistratëve shqiptarë, të cilët do jenë prurjet e reja në sistemin e drejtësinë në reformim.
Në një ceremoni te godina e Polit të Drejtësisë, njerëzit që përfaqësojnë politikat e Perëndimit në Shqipëri, qenë të troçtë në mesazhe: nga ju varet Shqipëria e së nesërmes.
“Gjykatësit janë si doktorët që mund t’u shpëtojë jetën.Mos harroni asnjëherë se keni një përgjegjësi e madhe mbi shpatulla”, u tha ambasadori Soreca.
Ju mund të jeni pjesë e dickaje më të madhe se vetja juaj, mund të zgjidhni për t’i dhënë progres Reformës në Drejtësi për të ecur përpara dhe ju jeni kryesorë
“Duhet t’i mbani sytë hapur ndaj pabarazisë dhe korrupsionit, jeni vigjilent ndaj tyre. Secili mund të japë shpresa për këtë vend dhe nëse bëheni bashkë përpjekjet tuaja do të krijojnë dicka mjaft të rëndësishme. Është momenti juaj për të qenë pjesë e diçkaje të madhe”, tha e Ngarkuara me Punë e Ambasadës Amerikane, Leyla Moses-Ones.
“Së shpejti do të formohen institucionet e reja të drejtësisë. E ardhmja e vendit varet nga zbatimi i Reformës në Drejtësi. Duhen luftuar defektet aktuale të sistemit të drejtësisë. Ju inkurajoj që të investoni në sistemin e drejtësisë. Pritjet janë të mëdha, të gjithë kanë besim te ju”, tha ambasadori i OSBE-së në Tiranë, Bernd Borchardt. /tesheshi.com/
