Ndërkohë që në Shqipëri po kundërshtohet nga një pjesë e politikës ndërtimi i hidrocentralit të Skavicës nga një kompani turke, serbët u besojnë pikërisht turqve ndërtimin e autostradave.
Beogradi ka ftuar kompanitë turke të ndërtojnë aeroportin e Moravës dhe autostradën që të çon në Preshevë.
Zëvendëskryeministrja dhe Ministrja e Transportit e Serbisë, Zorana Mihajloviq ka biseduar me ambasadorin turk në Beograd, Mehmet Kemal Boza për mundësitë e bashkëpunimit në fushën e infrastrukturës rrugore dhe të trafikut ajror.
Siç bën të ditur B92, kompanitë turke kanë treguar interes në autostradën Pojate-Preshevë dhe Novi Sad-Ruma.
Së shpejti në Beograd do të mbërrojnë ekspertët turq për studimin e fizibilitetit të
aeroportit “Morava” pranë Kralevës. /tesheshi.com/
