Këshilltari Special Robert Mueller ka rënë dakord të dëshmojë përpara Kongresit amerikan më 17 korrik, në hetimin e tij ndaj ndërhyrjes së Rusisë në zgjedhjet presidenciale të vitit 2016.
Në një deklaratë të përbashkët, Kryetari i Dhomës Gjyqësore Jerry Nadler dhe Kryetari i Dhomës së Inteligjencës Adam Schiff thanë se Mueller kishte pranuar të dëshmonte në një seancë të hapur.
“Amerikanët kanë kërkuar të dëgjojnë drejtpërdrejt Këshilltarin Mueller mënyrë që ata të kuptojnë atë që ai dhe ekipi i tij zbuluan, dhe duan të dëgjojnë në detaje sulmin e Rusisë ndaj demokracisë sonë, pranimit dhe përdorimit të kësaj ndihme nga ana e Trump dhe bashkëpunëtorët e tij, si dhe pengimin e hetimit lidhur me këtë ndërhyrje”, thanë ata.
Komitetet në fjalë lëshuan një urdhër për dëshminë e Mueller, sipas deklaratës së përbashkët. Vendimi për të detyruar Mueller për të dëshmuar është një lëvizje historike që do t’i japë fund një sage njëmujore në Capitol Hill, ku ligjvënësit kanë luftuar për javë të tëra për të marrë informacion nëse Presidenti Trump pengoi drejtësinë. /tesheshi.com/
