Djali më i madh i presidentit amerikan, Donald Trump, dhëndërri i tij dhe ish-menaxheri i fushatës do të dëshmojnë përpara Senatit për dyshimet e ndërhyrjes ruse në zgjedhjet e vitit 2016.
Donald Trump Jr, Jared Kushner dhe Paul Manafort do të pyeten për lidhjet e tyre me zyrtarët rusë.
Një temë kyçe e seancës do të jetë takimi i tyre me një avokat rus vitin e kaluar.
Ndërkohë, presidenti tha se nuk do ta kishte emëruar Jeff Sessions si kryeprokuror nëse do ta kishte ditur se ai do të hiqej mënjanë nga hetimi.
Presidenti foli gjithashtu edhe për një bisedë deri më tani të papublikuar me presidentin rus Vladimir Putin në darkën e samitit të G20, duke thënë se në pjesë më të madhe ishte thjesht “shkëmbim batutash”. /tesheshi.com/
