Kreu demokrat Basha i ka mëshuar heqjes së disa familjeve nga ndihma ekononike, duke shtuar dhe akuzën më të re në adresë në kryeministrit Rama: nazist.
“Bëhet fjalë për fjalë për familje që ndodhen në pikën më të ulët të mbijetesës, prindër pa punë fëmijë që ndodhen në gjëndje të mjerueshme të cilat në mënyrë të pashjegueshme dhe në mënyrë kriminale janë hequr nga lista e ndihmës ekonomike.
Kjo është një dramë njerëzore, por edhe një emergjencë kombëtare. Jemi vendi i vetëm në Europë që ka futur në karantinë urie, ka çuar drejt emigracionit me vullnetin e vet të Edi Ramës dhe marjonetës së tij në krye të Ministrisë së Shëndetësisë një përqindje të madhe të qytetarëve që sot nuk kanë ushqimin e përditshëm apo ilaçet. Pra kemi një qeveri dhe një kryeministër që po përdor metoda naziste, metoda genocidale apo spastrimi ndaj popullsisë së vet”, theksoi ashpërsisht Basha, duke kërkuar që gruaja në krye të Shëndetësisë shqiptare, që mbulon pra dhe Çështjen Sociale pas shkrirjes së dy dikasterev, Odeta Manastirlliu, të përgjigjet ligjërisht.
“Ministrja e cila duhet të çohet në ndjekje penale për vlerësimin tim, mban të fshehur informacionin se mbi çfarë kriteresh u hoqën këta njerëz nga ndihma ekonomike. Përflitet që kriteri është prania e një frigoriferi apo një televizori, kjo nuk përbën kriter. Kjo përbën shpërdorim detyre”, tha Basha, duke paralajmëruar njëherësh dhe një inisiativë ligjore.
“Ne do të formalizojmë nesër kërkesën për një debat me mocion për të vënë Edi Ramën dhe marjonetën e tij para përgjegjësisë dhe për të zbardhur këtë plan nazist. Bëhet fjallë për dhjetëra familje”. /tesheshi.com/
