Rritja alarmante e përdoruesve të substancave narkotike në Kosovë ka alarmuar autoritetet e shtetit duke krijuar edhe Task-Forcë kundër përdorimit të tyre në shkolla.
Për t’u dalë në ndihmë është aktivizuar edhe Bashkësia Islame e Kosovës (BIK), e cila së fundi po tregon rol aktiv në trajtimin fetar të problemeve shoqërore.
Lidhur me bashkëveprim krahas Task-Forcës, BIK ka marrë vendim që nesër (e premte) në të gjitha xhamitë e Kosovës të mbahet ligjëratë fetare për vetëdijësimin e të rinjve lidhur me mospërdorimin e narkotikëve.
Sipas zyrtarëve të BIK të cilët e bënë me dije nismën, vendimi i myftiut Naim Tërnava për trajtimin e kësaj teme në hytben e së premtes ka ardhur pas takimit të klerikut me shefin e Task-Forcës, Avdullah Hasanin.
Kujtojmë se para disa javësh, BIK marri vendim për trajtimin e temës së grave të përdhunuara seksualisht në luftë, veprim ky që u mirëprit nga analistët dhe mediat.
BIK, për një kohë të gjatë është përballur me kritikat e të mosqenit aktiv në problemet sociale të vendit, ku mbase me të drejtë është kritikuar madje edhe nga vet imamët.
Përfshirja e institucioneve fetare në problemet shoqërore ku petku fetar ka ndikim pozitiv, është traditë madje edhe në vendet perëndimore. /tesheshi.com/
