Gjenerali kryesor Australian të Enjten dha detaje nga një raport mbi krimet e mundshme të luftës të kryera nga pjesëtarë të forcave speciale australiane, i cili citon prova të 39 vrasjeve në 23 raste.
Duke cituar detaje nga një hetim i shumëpritur mbi sjelljen e anëtarëve të forcave speciale australiane në Afganistan nga 2005 në 2016, gjenerali Angus John Campbell tha se kishte prova të vrasjeve jashtë luftimeve.
Kryeprokurori ka përcaktuar se ka informacion të besueshëm për të konfirmuar pretendimet e vrasjeve të paligjshme të 39 personave në 23 raste, të kryera nga 25 anëtarë të Forcave Speciale Australiane, kryesisht nga Regjimenti i Forcave Ajrore (SAS) – u tha Campbell gazetarëve në Canberra.
Disa nga ata ende shërbejnë në Ushtrinë Australiane, shtoi ai. Raportet e vrasjeve do t’i përcillen një hetuesi special i cili do të emërohet së shpejti dhe i cili do të vlerësojë nëse ka prova të mjaftueshme për të bërë ndjekje penale.
Kryeministri Scott Morrison foli me presidentin afgan Ashraf Ghani përpara lëshimit të raportit, tha një burim i njohur me bisedën. Morrison paralajmëroi javën e kaluar se raporti do të përmbajë “lajme të vështira dhe të këqija për australianët”.
Zyra e presidentit afgan tha se Morrison thirri Ghanin për të shprehur “keqardhjen e tij të thellë për sjelljen e disa ushtarëve australianë” dhe i tha atij se një hetim do të kryhej për të vënë drejtësinë.
Australia ka trupa në Afganistan që nga viti 2002 si pjesë e një koalicioni të udhëhequr nga SHBA-të që luftojnë talibanët. /tesheshi.com/
