Refugjatët e bllokuar në Kroaci janë përpjekur sërish të drejtohen në veri pavarësisht se ky rrugëtim është ndaluar nga Sllovenia dhe Hungaria, që i kanë kthyer ata pas.
Policia sllovene përdori spray djegës mbrëmjen e së premtes për të shpërndarë një grup refugjatësh që po përpiqeshin të hynin në vend nga Kroacia.
Hungaria nga ana e saj akuzoi Kroacinë për shkelje të ligjit ndërkombëtar pasi aizlkërkuesit u dërguan përtej kufirit hungareze pa u regjistruar më parë.
Gjatë natës, me me mijëra njerëz që po kalojnë përmes Ballkanit për të mbërritur në shtetet veriore të BE-së, e kaluan natën në stacione trenash ose duke fjetur përgjatë rrugëve, në qiell të hapur.
Me qindra të tjerë fjetën në një autostradë në afërsi të qytetit Edirne në Turqi, pasi policia turke i ndaloi të kalonin kufirin drejt Greqisë.
Ndërsa kontrollet në kufij janë bërë më të ashpra, refugjatët po i shmangen rrugëve duke kërkuar tashmë kalime në fushat me misër ku kalon kufiri. Në një ditë kaosi si ishte ajo e djeshmja, refugjatët janë shtyrë nga njëri kufi në tjetrin ndërsa qeveritë mbeten të ndara për mënyrën e përballimit të krizës. /tesheshi.com/
