Fondi Monetar Ndërkombëtar ka kritikuar ashpër paketën e shpëtimit financiar ofruar Greqisë nga eurozona.
Borxhi publik i Greqisë, tha FMN, tashmë është shumë i paqëndrueshëm dhe kërkoi një lehtësim urgjent të borxhit në një shkallë “shumë më tepër nga sa është marrë në konsideratë deri tani”.
FMN bëri publike edhe këshillën që i ka dhënë eurogrupit gjatë fundjavës. Në të përfshiheshin propozime që parashikon fshirjen e një pjesë të borxhit të stërmadh të Athinës.
Kjo ndasi mes FMN dhe kreditorëve të Greqisë për mënyrën më të mirë të menaxhimit të borxhit grek ishte paralajmëruar më herët, por është hera e parë që del në publik. /tesheshi/
