Presidenti francez Emmanuel Macron shoqëroi mbrëmë me stil kancelaren gjermane në largim Angela Merkel, duke pretenduar se ajo arriti të ruajë unitetin e Evropës gjatë periudhave të krizës.
Duke e pritur atë në zemër të rajonit të verërave Burgundy në vend të Pallatit Elysee në Paris – ku Merkel u mirëprit nga katër presidentë francezë – Macron e falënderoi për durimin e saj me të dhe për mësimet që i dha.
“Që kur u bëre Kancelare, Franca të ka takuar dhe të ka dashur”, tha Macron, duke i dhënë Merkelit njohjen më të lartë franceze, Kryqin e Madh të Legjionit të Nderit.
Ai shtoi se Merkel fillimisht punoi me Presidentin Jacques Chirac, pastaj me Nicolas Sarkozy kur shpëtuan së bashku eurozonën gjatë krizës financiare, pastaj me Francois Hollande me të cilin u përball me kërcënimin e terrorizmit dhe krizën e refugjatëve, dhe në fund luftoi pandeminë COVID.
“Ju keni punuar për të ruajtur unitetin e Evropës gjatë gjithë këtyre tronditjeve. Shpresoj që mësimet që na keni dhënë – të qëndrojmë të fortë në kohë të vështira, të sigurohemi që të qëndrojmë të bashkuar që gjërat të mos cenonen – të vlejnë për ne”, tha Macron. /tesheshi.com/
