Njerëzit e suksesshëm në fund të ditës ulen dhe reflektojnë rreth gjithë asaj që iu ka ndodhur brenda 12 orëve të fundit. Është ritual i vështirë për ata të cilët nuk e kanë praktikuar tashmë, por është me rëndësi të madhe.
Michael Kerr, ligjërues ndërkombëtar për biznes thotë se njerëzit e suksesshëm gjejnë pak kohë para gjumit për të reflektuar ose shënuar në fletore tri gjëra të cilat i kanë ndodhur gjatë ditës, për të cilat ndihen mirënjohës.
Mbajtja e një “ditari të mirënjohjes” gjithashtu i përkujton njerëzit për progresin që kanë bërë atë ditë në çfarëdo aspekti të jetës së tyre, i cili do t’u shërbejë atyre që të qëndrojnë të motivuar, sidomos gjatë kohës kur kalojnë nëpër ndonjë periudhë të vështirë.
Është shumë lehtë të biem në grackën e ‘reprizës’ së situatave negative të ditëve në të cilat kishim pasur dëshirë që të kemi vepruar ndryshe. Pavarësisht sa keq ka kaluar dita e tyre, njerëzit e suksesshëm zakonisht arrijnë të shmangin atë spirale pesimiste të bisedave negative me veten e tyre, për arsye se e dinë se kjo vetëm se do të krijojë edhe më shumë stres.
Benjamin Franklin në kontekst të vetë-përmirësimit, çdo natë ka pyetur veten e tij pyetjen e famshme: “Çfarë të mire kam bërë sot”?
“Mos harro të reflektosh për momentet pozitive të ditës tuaj dhe celebroje këtë moment”, thotë Ëoodëard PhD, psikolog organizativ.
Laura Vanderkam, autore e disa librave të njohura për menaxhim dhe produktivitet, shton: “Duke ndarë pak kohë për meditim rreth asaj se çfarë shkoi mirë gjatë kursit të ditës suaj, kjo mund t’ju vejë në një humor pozitiv dhe t’ju bëjë mirënjohës në fund të ditës”. /tesheshi.com/
