Katërmbëdhjetë vjet pas trazirave të Marsit 2004 që shpërthyen në veri të Mitrovicës, policia e Kosovës ka ndalur një automjet të tipit “Skoda” të organeve të qeverisë së Serbisë në të cilin janë gjetur CD propaganduese për trazirat në fjalë.
Automjetin e drejtonte personi nga Vushtrria me inicialet M. A., ndërsa në të ndodheshin edhe N. D. Dhe Z. D.
Në bagazhin e automjetit janë zbuluar 222 CD, për të cilët të ndaluarit kanë thënë se përmbajnë filmime nga ngjarjet e marsit 2004, shkruan kallxo.com.
Prokurori ka urdhëruar konfiskimin e CD-ve dhe marrjen në pyetje të të ndaluarve të cilët pastaj janë liruar në procedurë të rregullt.
Personave që ishin në makinë u është ndaluar hyrja në Kosovë me arsyetimin se paraqesin rrezik për rendin publik dhe sigurinë e brendshme.
Në marsin e vitit 2004 shpërthyen trazira në Kosovë gjatë të cilave vdiqën 11 shqiptarë e 8 serbë. /tesheshi.com/
