Disa muaj pas shpalljes në kërkim ndërkombëtar nga ana e autoriteteve shqiptare, ndalohet në Londër sipërmarrësi italian, Francesco Becchetti.
Lajmi është dhënë nga Top Channel që i është referuar burimeve zyrtare në kryeqytetin britanik. Ndalimit i tij nga ana e autoriteteve londineze është bërë pikërisht për llogari të palës shqiptare.
Tashmë pritet ekstradimi në Tiranë për t`u vënë në dispozicion të drejtësisë shqiptare. Becchetti akuzon për një sërë veprash penale referuar legjislacionit shqiptar, të cilat kanë të bëjnë me akte financiare jo ligjore, sidomos pastrim parash.
Muaj më parë, autoritetet shqiptare vendosën nën sekuestro dhe kanalin e tij televiziv, Agon Channel, që gjithashtu u detyruar të mbyllet. Për publikun e gjerë, Becchetti u bë i njohur pikërisht falë këtij televizoni, ku mblodhi dhe punësoi një sërë emrash të spikatur të medias duke iu lidhur paga të majme që nisën të bëjnë bujë.
Për një pjesë të opinionit, mbyllja e Agon Channel është marrë si një hakmarrje qeveritare ndaj Becchettit. /tesheshi.com/
