Policia e Durrësit ka ndaluar ish-deputetin e Partisë Socialiste, Eduart Ndocaj. “Kaubojsi” është kallëzuar nga një shtetas italian se i ka vjedhur një shumë 78 mijë euro.
Ndocaj gjithashtu i ka premtuar italianit një tender për shtrimin e një gazsjellësi në Shqipëri, bëjnë me dije burime për “Panorama”.
“Më datë 09.10.2017, në PKK Port, Durrës, u kap shtetasi në kërkim E.N, vjeç 42, banues në Manati Lezhë, pasi dyshohet se nëpërmjet mashtrimit në Itali, i ka vjedhur një shtetasi italian një shumë eurosh. Në përfundim të veprimeve të kryera nga D.V.P Lezhë ndaj shtetasit E.N u referuan materialet në Prokurori dhe ndiqet në gjendje të lirë për veprën penale parashikuar nga neni 143/2 i Kodit Penal”, thuhet në një njoftim të policisë. /tesheshi.com/
