Marrëveshja e arritur një ditë më parë mes presidentëve Putin dhe Erdogan për krijimin e një zone të militarizuar në Idlib, aty ku parashikohej një katastrofë njerëzore alla Halep, mu prej vendosmërisë se regjimit dhe forcave ruse për ofensivë ndaj kryengritësve, është konsideruar gjerësisht si një fitore e liderit turk. Ky i fundit këmbëgulësisht refuzonte ndërhyrjen ushtarake duke patur përballë Rusinë dhe Iranin, dhe në fund ia doli të shmangte atë që prtej të ishte një tragjedi, e provuar tashmë në 7 vjet luftë në Siri.
BE ka reaguar e enuziazmuar nga ky fakt, duke kërkuar që tashmë në Idlib të ketë tashmë dhe qasje humanitare.
“Ne presim që marrëveshja e arritur dje mes presidentëve rus dhe turk për të garantuar mbrojtjen e jetëve civile dhe infrastrukturës, të shoqërohet dhe me qasje të papenguar dhe të qëndrueshme humanitare”, tha zëdhënësja e BE-së.
Marrëveshja u mirëprit nga autoritetet siriane dhe iraniane.
“Siria mirëpret marrëveshjen mbi Idlibin”, tha një burim i afërt me Ministrinë e Jashtme të Sirisë, duke shtuar se qeveria mirëpret çdo iniciativë e cila pengon “gjakderdhjen dhe ndikon në rivendosjen e sigurisë.”
Ndërsa Ministria e Jashtme iraniane përshëndeti duke thënë se ishte një shembull i “diplomacisë së përgjegjshme”. /tesheshi.com/
