Në zonën e kuqe të Amsterdamit, e njohur për prostitutat, së shpejti do të hyjë në fuqi ndalimi i konsumit të kanabisit, siç njoftojnë autoritetet në këtë qytet.
Gjegjësisht, për shumë vite banorët e Amsterdamit ankohen për numrin e madh të turistëve që kalojnë orët e vona të natës në këtë pjesë të qytetit dhe bëjnë shumë zhurmë. Për shkak të kësaj, qeveria e qytetit vendosi të ndalojë konsumimin e kanabisit në zonën e kuqe, së bashku me disa rregullore të tjera që sollën për të zgjidhur problemin me zhurmat që vijnë nga turistët.
Autoritetet njoftuan gjithashtu se do të ndalojnë hapjen e bareve në këtë pjesë të qytetit pas dy të mëngjesit të premteve dhe të shtunave, dhe do të mbyllin pjesën e vjetër të qytetit për vizitorët e rinj pas një pasdite.
Gjithashtu, do të tentojnë të ndalojnë shitjen e alkoolit në këtë zonë, ndërsa aktualisht ka ndalim të shitjes nga e enjtja deri të dielën pas orës katër pasdite.
Si kujtim, sipas ligjeve aktuale të Holandës, është e ligjshme të shijosh marihuanën, megjithëse nuk është e ligjshme ta posedosh, ta shesësh apo ta rritësh atë. Kafenetë e njohura kanë një përjashtim nga ndalimi i shitjes dhe kultivimit, por ato duhet të ndjekin një numër të madh rregullash, transmeton BBC. /tesheshi.com/
