Ish-futbollisti legjendar i Real Madridit, Ignacio Zoco, ka ndërruar jetë në moshën 76- vjeçare. Ai ishte pjesë e klubit mbretëror për 12 vjet si futbollist dhe së fundmi ishte president e asociacionit të ish-futbollistëve madrilenë.
I lindur në qytezën Garde, më 31 qeshor të vitit 1939, Zoco ishte një futbollist kyç në mesfushën e skuadrës së Real Madridit për 12 vjet më radhë. Ai luajti në vitet ‘60, duke fituar gjashtë liga të kampionatit spanjoll, dy kupa të Spanjës dhe një të Europës.
Zoco, i cili kishte ardhur nga skuadra e Osasunas, më vonë u bë figura kryesore në klubin e Real Madridit. Madje, pas përfundimit të karrierës, ai u bë president i asociacionit të formuar nga ish- lojtarët madrilenë. Gjatë periudhës që ishte futbollist, ai regjistroi 434 paraqitje dhe 17 gola. Gjithashtu, Zoco ishte pjesë e përfaqësueses spanjolle.
I ndjeri vuante prej kohësh nga një sëmundje e rëndë, deri sa ndërroi jetë duke lënë pas katër fëmijët e tij. /tesheshi.com/
