Presidenti i Shteteve të Bashkuara, Donald Trump, hapi mundësinë e shqyrtimit të liçencës mediatike për televizionin NBC News dhe rrjete të tjera, për shkak të raporteve, sipas tij, të pafavorshme.
NBC ka raportuar se presidenti Trump dëshiron të rrisë arsenalin bërthamor të Amerikës me gati dhjetë herë.
Trump, përmes një postimi në Twitter, tha se ky është “lajm i rremë” dhe “trillim i pastër”.
NBC ka zemëruar Shtëpinë e Bardhë edhe javën e kaluar, kur ka thënë se Sekretari i Shtetit e ka quajtur presidentin “idiot”.
Duke folur më pas për gazetarët, Trump tha se nuk e ka ndërmend të rrisë arsenalin bërthamor.
Të njëjtën gjë pohoi edhe sekretari amerikan i Mbrojtjes, James Mattis. /tesheshi.com/
