Seria e finaleve të NBA-it është mbyllur pas së pestës prej tyre. Golden State Warriors e ka çuar në 4-1 kryesimin ndaj Cleveland Cavaliers-it dhe është rikthyer te fitimi i trofeut.
Cleveland pati dhënë shenja zgjimi me fitoren në ndeshjen e katërt finale, por nuk mundi të bëjë të njëjtën gjë në “Oracle Arena” të Oakland-it, ku pavarësisht 41 pikëve të LeBron James-it nuk do ia dilte për ta zgjatur serinë e finaleve.
Golden State Warriors fitoi 129-120 ndaj Cleveland Cavaliers, për të marrë kështu trofeun e dytë të NBA-it brenda tre sezonesh.
Kevin Durant, në sezonin e tij të parë te Golden State Warriors, shënoi 39 pikë në ndeshjen e fundit dhe u shpall MVP-ja, lojtari më i vlefshëm, i finaleve. /tesheshi.com/
