I ftuar në emisionin Kapital në Vizion Plus, opinionisti Mentor Nazarko ofroi një argument që sipas tij rrëzon pretendimin e opozitës se paratë e drogës mund të blejnë votën e 18 qershorit.
Opozita e ka ndërtuar kauzën e saj pikërisht në këtë përfundimi, duke mbrojtur idenë se rritja e kultivimit dhe e trafikimit të kanabisit do çojë që me të ardhurat të blihet vullneti qytetar, e që për këtë arsye duhet me patjetër një qeveri teknike.
Por sipas Nazarkos, Lazarati e përgënjeshtron këtë pretendim. Ai tha se po të qe kështu, me milionat e drogës që dilnin nga ky fshat do blihej vullneti i qytetarëve në Gjirokastër, por kjo nuk ka ndodhur. Në këtë qytet ka fituar gjithnjë e majta kur Lazarati ishte i gjithi nën pushtetin e drogës. /tesheshi.com/
