Profesori universitar dhe zyrtar i lartë i partisë opozitare maqedonase të LSDM-së, Aleksandar Naumovski ka porositur Prokurorinë Publike të Shkupit, që të nisë sa më shpejtë një hetim gjithëpërfshirës për projektin “Shkupi 2014” ndaj kryetarit aktual të Komunës së Shkupit, Koce Trajanovski.
Ai gjithashtu ka hedhur dyshim për keqpërdorim të shumë milionë eurove nga kjo komunë, nga ana e kryetarit të saj.
“Institucionet përkatëse të Maqedonisë po heshtin rreth hulumtimit të projektit “Shkupi 2014”. Prokuroria Publike e Shkupit duhet menjëherë të nisë një hetim gjithëpërfshirës për të vërtetuar kriminalitetin e bërë nga kryetari i komunës së Shkupit, Koce Trajanovski. Në bazë të statistikave dhe revizioneve është konstatuar se shumë para janë harxhuar. Qytetarët e Maqedonisë duhet të dinë të vërtetën se ku kanë përfunduar ato të holla, sepse janë para të tyre” ka deklaruar Aleksandar Naumovski. /tesheshi.com/
