Sekretari i Përgjithshëm i NATO-a Jens Stoltenberg beson se “spastrimi” në ushtrinë turke, me ç’rast janë pezulluar apo arrestuar mijëra pjestarë të ushtrisë turke pas një përpjekjeje të dështuar të grusht-shtetit, nuk e ka dobësuar ushtrinë e këtij vendi.
“Turqia ka një ushtri të madhe, forca të armatosura profesionale, dhe unë jam i sigurtë se do vazhdojë të jetë edhe më tutje aleat i fortë në NATO”, ka deklaruar ai për Reuters, në fillim tw takimit të ministrave të mbrojtjes të mbi 30 vendeve të përfshira në koalicionin kundër grupit ISIL.
Afër 1/3 nga 360 gjeneralë të ushtrisë turke janë arrestuar për shkak të grusht-shtetit të pasuksesshëm të 15 korrikut.
Por Stoltenberg tah se pret që reagimi turk ndaj tentimit për grusht shteti të jetë i arsyeshëm dhe në përputhje me vlerat e NATO-s, duke shtuar se nuk është diskutuar mbi anëtarësinë e Turqisë në aleancën ushtarake.
Për ne është me rëndësi që Turqia mbetet aleat i fortë në NATO, ngase Turqia gjendet në kufi me ato vende në të cilat mbretëron jostabiliteti, dhe gjithë atë dhunë që kemi parë në Irak dhe Siri”. /tesheshi.com/
