NATO planifikon të dërgojë katër batalone shtesë me 4000 ushtarë në Poloni dhe tri shtete tjera ish-sovjetike, ka njoftuar një burim i cili ka cituar zv/sekretarin amerikan të Mbrojtjes Robert Work, transmeton Russia Today.
Work ka konfirmuar numrin e ushtarëve të cilët do të dërgohen në kufi me Rusinë, raporton ‘’The Wall Street Journal’’. Ai njoftoi se arsyeja e dërgimit të këtyre trupave janë stërvitjet ushtarake të cilat zhvillohen në afërsi të vendeve baltike.
‘’Rusët kryejnë ushtrime të shumta ushtarake nëpër kufinj, me pjesëmarrje të një numri të madh të ushtarëve’’ – tregoi Work, duke shtuar se nga perspektiva e tyre kjo paraqet ‘’një gjest shumë provokativ’’.
Zyrtarët e NATO-s kanë shqyrtuar mundësinë e dërgimit të bataloneve multinacionale, duke kombinuar ushtarët nga vende të ndryshme të cilat do të ishin nën komandën e përbashkët të NATO-s. /tesheshi.com/
