NATO po krijon aktualisht strehimore në distriktet Antakya dhe Iskenderun në provincën jugore të Hatay të Turqisë për 4,000 njerëz që humbën shtëpitë e tyre nga tërmetet, tha NATO të enjten.
Aleatët dhe partnerët e NATO-s vazhdojnë t’i ofrojnë ndihmë Turqisë pas tërmeteve shkatërruese në pjesët jugore të vendit, thuhet në një deklaratë të NATO-s që përmbledh ndihmën e fundit.
Agjencia e NATO-s për mbështetjen dhe prokurimin po ndërton strehimore të përkohshme për 4,000 njerëz në Antakya dhe Iskenderun.
Kampi në Antakya pritet të hapet në mes të prillit me një kapacitet për më shumë se 2,400 njerëz.
Anëtarët e NATO-s ranë dakord të ndërtonin një kamp të ngjashëm për të strehuar 4,000 njerëz të tjerë në distriktin Defne.
Në javët e fundit, NATO ka transportuar më shumë se 10,000 tenda, batanije dhe pajisje mjekësore nga Pakistani.
Franca furnizoi 5000 tenda dhe mijëra batanije.
Tërmetet me magnitudë 7.7 dhe 7.6 goditën 11 provinca më 6 shkurt – Adana, Adiyaman, Diyarbakir, Elazig, Hatay, Gaziantep, Kahramanmaras, Kilis, Malatya, Osmaniye dhe Sanliurfa, duke vrarë afro 50,000 njerëz.
Më shumë se 13.5 milionë njerëz në Turqi u prekën nga tërmetet shkatërruese, ashtu si edhe shumë të tjerë në Sirinë veriore. /tesheshi.com/
