SHBA ka vendosur të rrisë forcat e saj në kufi me Rusinë. Këtë e ka bërë të ditur komandanti i trupave aleate në Europë, Ben Hodges.
Vendimi ka ardhur pas dislokimit të trupave ruse në kufi me Detin Balltik, në kuadër të një stërvitjeje të madhe, “Perëndimi 2017”.
Uashingtoni është i shqetësuar pasi po ndodh e njëjta gjë si me Krimenë, ku përpara se të pushtohet, në kufi me territorin e saj u disklokuan forca të mëdha ushtarake.
Siç bën të ditur Reuters, Rusia e ka cilësuar si “të pabazë” frikën e Perëndimit, se këto ushtrime mund të rrezikojnë stabilitetin në Evropën Juglindore.
Zyrtarët e NATO-s besojnë se “Perëndimi 2017” do të jenë manovrat më të mëdha ruse të zhvilluara që nga viti 2013, ku do të marrin pjesë 100.000 ushtarë.
“Kur Russia hyri Krime, ajo ishte nën pretekstin e manovrave. Kur invaduan Gjeorgjinë, ushtria ruse po zhvillonte stërvitje në kufi. Historia e tyre është plot me shembuj që ata nuk zbatojnë marrëveshjet ndërkombëtare. Rusët i shkelin ato në mënyrë rutinore”, tha Gjenerali Hodge gjatë manovrave të trupave të NATO-s në Poloni.
Ai shtoi se Shtetet e Bashkuara gjatë manovrave “Perëndimi 2017” do të vendosin 600 njësi të forcave ajrore në shtetet baltike.
Ministria e Mbrojtjes ruse lëshoi një deklaratë se bombarduesit strategjikë të Forcave Ajrore të Rusisë kryen fluturimet e planifikuara mbi ujërat neutrale e Detit Baltik, dhe ata janë duke monitoruar avionët e NATO-s.
Bombarduesit strategjikë të NATO-s të njohur si “Blackjack”, gjatë fluturimit janë shoqëruar nga avionë danezë, suedezë dhe finlandezë.
Ministria e Mbrojtjes së Rusisë, tha se avionët e NATO-s janë ndjekur nga aeroplanët gjuajtës rusë Sukhoi Su-27 dhe një aeroplan radar. Ushtria finlandeze ka arritur të fotografojë inkursionin e avionëve rusë. /tesheshi.com/
