NATO dhe BE dënuan ashpër testimin e sotëm të raketës bërthamore nga Koreja e Veriut, raporton Anadolu Agency (AA).
Sekretari i Përgjithshëm i NATO-s Jens Stoltenberg, në një reagim të shkruar ka thënë se Aleanca është e zemëruar për veprimin e Koresë së Veriut, e cila vazhdon të destabilizojë rajonin.
“Dënoj ashpër testimet e shpeshta të raketave bërthamore nga Koreja e Veriut. Kjo është një shkelje e re e rezolutës së Këshillit të Sigurimit të Kombeve të Bashkuara e miratuar në nëntor të vitit 2016”, tha Stoltenberg, sipas të cilit, këto veprime destabilizojnë sigurinë rajonale dhe globale.
Ai i bëri thirrje Phenianit ti jep fund programit bërthamor, për të shtuar se armatimi koreanoverior duhet shkatërruar në mënyrë të sigurtë.
Edhe Shefja për Politikë të Jashtme dhe Siguri në BE, Federica Mogherini, ka dënuar ashpër testimin bërthamor të Koresë së Veriut, të cilin e ka cilësuar si një akt shfarosjeje që kërcënon paqen në rajon dhe në botë.
“Mesazhi i BE-së është shumë i qartë. U bëjmë thirrje autoriteteve të Koresë së Veriut të shkatërrojnë armatimin bërthamor”, tha Mogherini.
Reagimet u bënë pasi paraprakisht agjencia koreanojugore e lajmeve Yonhap lajmëroi se Koreja e Veriut ka kryer testim të ri të bombës bërthamore, e gjashta këtë vit. /tesheshi.com/
