Sekretari amerikan i Shtetit, Mike Pompeo dhe Këshilltari për Sigurinë Kombëtare, John Bolton do të udhëtojnë në Lindjen e Mesme në një tur që ka si mision të vjelë sa më shumë mbështetje nga partnerë në rajon ku tensionet janë në rritje.
Pompeo do të vizitojë tetë vende, duke filluar me Jordanin të mërkurën, tha Departamenti i Shtetit.
Kjo është vizita e parë Pompeos në rajon, që kur presidenti Trump njoftoi planin e tërheqjes amerikane nga Siria.
Ky vendim çoi në dorëheqjen e Sekretarit të Mbrojtjes James Mattis dhe siç pritet, do të jetë një nga temat kryesore të bisedimeve, me qëndrimin e ashpër të SHBA drejt Iranit, konfliktin në Jemen dhe situatën në Irak.
Ekziston frika se në qoftë se tërheqja e ushtrisë amerikane mund të hapë rrugën e një sulmi turk mbi luftëtarët kurdë në Siri, të cilët luftuan së bashku me trupat amerikane kundër ISIS.
Pompeo, përveç Jordanisë, do të vizitojë edhe Egjiptin, Bahreinin, Emiratet e Bashkuara Arabe, Katarin, Arabinë Saudite, Omanin dhe Kuvajtin.
Nga Shtetet e Bashkuara shpresohet se secili prej këtyre vendeve ka një rol të rëndësishëm në partneritetin e planifikuar rajonal strategjik të quajtur “NATO Arab”.
