Të paktën 12 persona u vranë dhe të tjerë u plagosën të shtunën, më 20 maj, në një rrëmujë në një stadium futbolli në kryeqytetin e Salvadorit, njoftoi Policia Civile Kombëtare (PNC).
“Informacionet fillestare tregojnë një rrëmujë të tifozëve që u përpoqën të hynin për të parë ndeshjen midis Alianza dhe FAS” në stadiumin Cuscatlán, tha PNC.
Ministri i Shëndetësisë së Salvadorit, Francisco Alabi, tha në Twitter se ekipet e urgjencës ishin vendosur aty dhe të lënduarit po transferoheshin në spitalet lokale.
Siç ka thënë më tej, të paktën 90 persona janë duke u trajtuar me lëndime, ndërsa ka shtuar se shumica janë në gjendje stabile.
https://twitter.com/i/status/1660111733439049730
Presidenti Nayib Bukele tha se policia kombëtare do të kryejë një “hetim të detajuar” mbi incidentin.
Të gjithë do të hetohen: skuadrat, drejtuesit, stadiumi, thesari, liga, federata etj. Kushdo që është fajtor nuk do të mbetet pa u ndëshkuar”, tha Bukele.
Videoja e siguruar nga Policia Civile Kombëtare e El Salvadorit tregon ambulanca të shumta të parkuara jashtë stadiumit dhe mjekë që nxitojnë në vendngjarje.
Fotot e bëra brenda stadiumit tregojnë gjithashtu turma njerëzish, shumë të veshur me fanella bardheblu.
Alianza dhe FAS janë dy skuadrat më të njohura të futbollit në vendin e Amerikës Qendrore, shkruan CNN. /tesheshi.com/
