Kundërshtarja e betuar e politikave shoviniste të Beogradit, Natasha Kandiç, tha se Serbia e sotme as në vitet ‘90 nuk ka qenë kaq e errët.
E njohur si themeluesja e Fondit për të Drejtën Humanitare me seli në Beograd, Kandiç doli në konferencën promovuese “Bllokada ballafaqimit me të kaluarën dhe e procesit KOMRA-Komisioni Rajonal për Vërtetimin e Fakteve për krimet e luftës dhe shkeljet e tjera të rënda të të drejtave të njeriut të kryera në ish-Jugosllavi.
“Ekziston një shqetësim i madh në Bruksel për zhvillimet e fundit në rajon, një frikë e madhe për acarim të situatës. Kam përshtypje se ky shqetësim po krijon hapësirë për shqyrtimin e idesë për themelimin e KOMRA-s, e cila mund të ulë tensionet në rajon dhe të bashkojë politikanët. Nuk ka më komunikim për procesin e pajtimit, sepse kjo nuk është më prioritet në shtetet e rajonit. Politikanëve nuk u shkon në mendje që të takohen me përfaqësues të organizatave joqeveritare, për të cilat kryeministri Vuçiç thotë se janë agjentura të huaja”, ka shprehur shqetësimin e saj znj. Kandiç.
Komentet e saj u bënë ndërsa komentoi dhe mini-samitin e kryeministrave të shteteve të Ballkanit Perëndimor në Sarajevë, më 15 mars, duke thënë ndër të tjera se është një samit i imponuar, i cili vjen pas vizitës që Përfaqësuesja e Lartë e BE-së për Politikë të Jashtme dhe Siguri, Federica Mogherini. /tesheshi.com/
