Natascha Kampusch ishte vetëm 10 vjeçe kur u rrëmbye nga shtëpia e saj familjare dhe i kaloi tetë vitet pasuese e burgosur në një dhomë bodrumi ku e mbante robëruesi i saj Ëolfgang Priklopil.
“Unë jam Natascha Kampusch”, i tha një vajzë e re pa frymë një pensionisteje 71-vjeçar në një qytet austriak dhe kështu filloi historia e një prej përfundimeve të lumtura më të pabesueshme të një historie shumë të vështirë.
Zhdukja e saj shkaktoi një kërkim të madh policor dhe është interesant se gjatë kontrollit policia ka kontrolluar edhe furgonin e rrëmbyesit të saj, i cili gjithashtu është marrë në pyetje. Ai i tha policisë se në momentin e rrëmbimit ishte vetëm në shtëpi dhe se po transportonte një gomë nga një kantier ndërtimi me një furgon.
Rasti tërhoqi gjithashtu vëmendje të madhe mediatike dhe kishte teori të shumta për zhdukjen e saj, në të cilat përmendeshin tmerret si pornografia e fëmijëve apo trafikantët e organeve, ku dhe familja e saj u akuzua gjithashtu.
Natascha e vogël kishte me vete pasaportën në momentin e rrëmbimit, pasi familja e saj ishte kthyer nga një udhëtim në Hungari disa ditë më parë, gjë që më vonë do të rezultonte një rastësi e rëndësishme.
Rrëmbyesi e mbajti vajzën në një dhomë bodrumi me përmasa vetëm pesë metra katrorë, pa dritare dhe me izolim të zërit dhe për gjashtë muajt e parë të robërisë, ajo nuk u lejua të largohej prej saj. Më vonë ai e la të hynte në pjesën tjetër të shtëpisë, por asaj iu desh të kalonte netët dhe kohën kur ai ishte në punë në birucën e saj.
Kur ajo mbushi 18 vjeçe, Wolfgang Priklopil e lejoi të dilte në kopsht, por edhe atëherë e kërcënoi dhe nuk e lanë të bënte zë. Ajo lejohej vetëm të dëgjonte radiostacione të huaja dhe të shikonte programe të regjistruara paraprakisht në televizion, kështu që as nuk e dinte se po bëhej një kërkim për të. Rrëmbyesi e detyroi atë të gatuante për të dhe të bënte punët e shtëpisë. Ai e la urie, e rrahu dhe e abuzoi seksualisht.
Ndonëse e dobët nga uria dhe nga frika e rrëmbyesit, Natascha, e cila do të mbushë 36 vjeç më 2 mars të këtij viti, arriti të përfitonte nga momenti i mosvëmendjes së rrëmbyesit dhe teksa fshinte makinën me fshesë në oborr, ndërsa ai hyri në shtëpi për t’ju përgjigjur celularit, la të ndezur fshesën me korrent, u hodh mbi gardh dhe iku. Rrugës, ajo iu lut kalimtarëve që të thërrisnin policinë, por duke qenë se askush nuk i kushtoi vëmendje, ajo trokiti në një derë dhe kur e hapi një grua e moshuar, ajo tha: “Unë jam Natascha Kampusch”. 71-vjeçarja Inge ka lajmëruar menjëherë policinë, e cila është shfaqur me shpejtësi dhe e ka çuar vajzën në stacion.
Natascha Kampusch u identifikua nga pasaporta që kishte me vete në momentin e rrëmbimit dhe detaje të tjera, si dhe nga testet e ADN-së. 18-vjeçarja Natascha kishte vetëm 48 kilogramë, vetëm 3 kilogramë më shumë se pesha e saj në momentin e zhdukjes kur ishte 10 vjeç. Wolfgang Priklopil bëri vetëvrasje ditën e arratisjes së saj. Thuhet se Natascha qau kur zbuloi se ai kishte vdekur, dhe në një nga intervistat e saj të mëvonshme ajo tha se i vinte keq për të.
Ajo shkroi një libër për rrëmbimin e saj të quajtur “3096 ditë”, i cili u botua në shtator 2010 dhe u përshtat në një film me të njëjtin emër tre vjet më vonë. Ajo botoi librin e saj të dytë në gusht 2016 dhe e quajti “10 vjet liri”.
Sot Natascha bën një jetë normale në vendlindjen e saj në Austri dhe është aktive edhe në Instagram, ku profilin e saj e ndjekin më shumë se 40 mijë persona. /tesheshi.com/
