Kryeministri izraelit, Benjamin Netanjahu tha të dielën se ai ka mbështetur një projektligj që kufizon volumin e ezanit, propozim të cilin vëzhguesit e qeverisë e kanë quajtur një kërcënim për lirinë fetare.
Netanyahu, i cili foli në një komitet ministror që ishte mbledhur për të diskutuar pikërisht projektligjin në fjalë, tha se ai do të mbështesë një veprim të tillë, por që disa e kanë etiketuar si të panevojshme dhe përçarëse.
Mediat izraelite kanë njoftuar se ligji do të ndalojë përdorimin e qendrave të zërit – pra altoparlantëve – në thirrjet për namaz.
“Nuk mund të llogarisim se sa herë më janë drejtuar qytetarët nga të gjitha pjesët e shoqërisë izraelite, nga të gjitha fetë, me ankesa për volumin që vjen nga shtëpitë e adhurimit”, tha Netanjahu.
E ndërkohë që draft ligji vlen për të gjitha shtëpitë e adhurimit, ajo është parë si mënyrë specifike e targetimit të xhamive.
Popullsia e Izraelit është afërsisht 17.5 për qind arabë, shumica e tyre muslimanë, e cila akuzon shumicën hebre për diskriminim ndaj tyre.
Jerusalemi lindor është pjesë kryesisht palestineze dhe thirrjet tradicionale për namaz nga muezini përmes qendrave të zërit mund të dëgjohen në gjithë qytetin.
Instituti Demokraik i Izraelit, një think-tank jo-partiak, është prononcuar kundër propozimit.
Të dielën, një nga zyrtarët e kësaj organizate mbikqyrëse akuzoi politikanët e krahut të djathtë të Izraelit për përdorim të rrezikshëm të çështjes për të fituar pikë politike nën maskën e përmirësimit të cilësisë së jetës.
Nasreen Hadad Haj-Yahya shkroi në gazetën izraelite Maariv se “qëllimi i vërtetë i projektligjit nuk është parandalimi i zhurmës, por më tepër për të krijuar zhurmë e cila do të dëmtojë të gjithë shoqërinë dhe përpjekjet për të krijuar një realitet të arsyeshëm midis hebrenjve dhe arabëve. ”
Netanyahu drejton atë që është parë si qeveria më djathtiste në historinë e Izraelit. /tesheshi.com/
