Astronautët e NASA-s kanë tentuar t’ia ndërrojnë mendjen reperit B.O.B. i cili po mbledh para për të nisur satelitët në mënyrë që të dëshmojë se Toka është e rrafshtë.
I pari ishte Terry Wirts, i cili shkoi dy herë në hapësirë.
“Unë mund t’i kursej atij shumë para, Toka është e rrumbullakët. Unë kam fluturuar rreth saj”, shkruante astronauti në profilin e tij Twitter.
Pastaj debatit iu bashkua Buz Aldrin, një prej astronautëve që ka ecur në sipërfaqen e Hënës. Aldrin i shpjegoi reperit se çfarë është orbita.
“Edhe unë. Kjo quhet orbitë, shtigjet e lakuara të një objekti qiellor rreth një ylli, një planeti apo hënës”.
Astronauti Scott Kelly i dërgoi reperit një videoklip që provon se Toka ka formë të sferës. Ai madje i propozoi raperit që paratë e mbledhura për nisjen e satelitëve t’i dedikonte për viktimat e stuhisë Irma dhe Mary.
Astronautët nuk arritën të bindin raperin.
“Njerëzit zakonisht ju dekurajojnë kur fshehin diçka”, shkroi ai në Twitter.
Për nëntë ditë, muzikanti arriti të mbledhë pothuajse pesë mijë dollarë. Paratë u dhuruan nga 169 persona. /tesheshi.com/
