Ramiz Lladrovci, kandidati i PDK-së për kryetartë komunës së Drenasit, ka shfaqur simptoma të atij që mund të quhet nardndokizëm, nisur nga atribuimi që prej kohësh i bëhet politikanit të Tiranës, Nard Ndoka i thënieve, gjasme të mençura, por që janë tejet qesharake – një fushatë kjo e përhapur në rrjete sociale me në qendër figurën e kreut demokristian, që herë bie e herë aktivizohet.
Duke folur në Rubikon, Lladrovci ka lëshuar shprehjen “forca e bën fuqinë”, që më pas ka nisur të gjejë vend dhe në reagimet e rrjeteve sociale. “Thënia e Shekullit nga Dr.Lladrovci : ‘Forca e bën Fuqinë’,sapo e ndëgjova tash në Rubikon !!!”, është njëra prej tyre.
Tashmë, pavarësisht nëse e fiton apo e humb Drenasin, Lladrovci rrezikon që të shigjetohet në rrjete sociale me thënie të tipit të Nard Ndokës, duke i zënë vendin për një fare kohe politikanit nga Vau i Dejës, i zbritur prej vitesh në Tiranë. /tesheshi.com/
