Skuadra napolitane i dha fund rrugëtimit në Champions League me një humbje 1-3 në shtëpi ndaj Realit të Madridit, një rezultat kopje i takimit të parë.
Maurizio Sarri, trajneri i Napolit, deklaroi se ekipi i tij e dominoi Realin për 55 minuta.
“Ne luajtëm 55 minuta shumë të mira, por për ta ruajtur atë ritëm kishim nevojë për më shumë entuziazëm. Me ato dy gola (të Realit), kualifikimi u bë i pamundur, dhe në këtë pikë, pa një objektiv, ne humbëm rrugën. T’i dominosh ata për 55 minuta, kjo na jep shpresë për të ardhmen.”
Zinedine Zidane, përndryshe, mendon se Reali vuajti, por në fund e meritoi fitoren.
“Në pjesën e parë vuajtëm, nuk hymë në ndeshje siç duhet. Nuk mendoj se ishim me fat, pasi fati i mirë nuk ekziston në futboll. Rezultati 1-3 flet qartë, diferenca u bë nga cilësia jonë.” /tesheshi.com/
