Kampioni i ri i Italisë vjen nga jugu i këtij vendi: Napoli fitoi Scudetton e parë pas 33 vitesh.
Ishte e parathënë në fakt se skuadra e kaltër do të fitonte kampionatin, duke qenë se ata kishin një avantazh të madh ndaj ndjekësve të tyre në Seria A.
ANSA/CIRO FUSCO
Atyre iu mjaftua vetëm një pikë në duelin ndaj Udineses. Epërsia ndaj Lacios së vendit të dytë ishte 15 pikë para fillimit të ndeshjes, ndërkohë që kanë mbetur edhe pesë javë për t’u luajtur.
Napoli after winning the title 🎇🔵🇮🇹 pic.twitter.com/vDItiDXpQV
— Fabrizio Romano (@FabrizioRomano) May 4, 2023
Në fakt takimi nuk filloi mirë për Napolin. Në minutën e 13-të, Sandi Lovriç shënoi gol për Udinesen dhe u duk sikur festa e titullit do të shtyhej për javën tjetër.
Megjithatë, Victor Osimhen shënon gol në minutën e 52-të për një festë të madhe të skuadrës dhe të gjithë qytetit të Napolit.
Titulli i fundit në ligën italiane për Napolin erdhi në vitin 1990, kur një nga lojtarët më të mëdhenj në historinë e futbollit, Diego Armando Maradona, luajti për klubin. Emrin e tij ka marrë edhe stadiumi që do të presë Fiorentinën që të dielën. /tesheshi.com/
