Një nga vendet më të famshme në të gjithë Napolin është murali i Diego Armando Maradona-s, dhe shumë tifozë të Napolit kanë pritur vetëm për një moment që mund të shohin nëse skuadra e tyre fiton titullin në Itali.
Përkatësisht, murali i famshëm i legjendës së Argjentinës dhe Napolit, Maradona-s në Napoli, u pikturua në fasadën e një ndërtese, dhe fytyra e tij u mbulua nga dritarja e një shtëpie në atë ndërtesë.
Historia e plotë pas kësaj murale fillon në vitin 1990, kur Napoli fitoi Scudetton për herë të parafundit. Më pas Mario Filardi, një artist vendas, pikturoi një mural të Maradona-s në përmasa të mëdha.
Pak vite më vonë, një qytetar ka bërë në mënyrë të paligjshme një dritare për shtëpinë e tij, dhe pikërisht aty ku është fytyra e legjendarit argjentinas. Pas restaurimit të kësaj muraleje, që u bë në vitin 2016, fytyra e Maradona-s mbuloi vetëm dritaren dhe u vendos që dritarja të mos hapej derisa Napoli të fitonte titullin.
Edhe pse ky “rregull” u thye në vitin 2022, kur Argjentina fitoi Kupën e Botës, murralja ikonë ishte ende në pritje të hapjes së dytë.
Me bilbilin e fundit të arbitrit në ndeshjen Udinese-Napoli, mijëra njerëz nga Napoli u drejtuan për në lagjen spanjolle, ku ndodhet kjo murale, për të parë momentin që prisnin prej 33 vitesh.
💙🇮🇹 El momento en el que se proclama campeón de la Serie A el Napoli desde el mural de Maradona.
TRE MEN DO. pic.twitter.com/p5p8YIyPM3
— Miguel Jorge (@miguejs98) May 4, 2023
Maradona u largua nga bota më 25 nëntor 2020, por madhështia e tij ndihet, nga rrugët e Buenos Aires, te miti i një dritareje në një lagje në Napoli. /tesheshi.com/
