Belgu i Interit Radu Nainggolan, i njohur për karakterin kontravers, u pezullua nga klubi për probleme disiplinore.
“Drejtimi i klubit mund të konfirmojë se Nainggolan është pezulluar përkohësisht nga çdo aktivitet”, u tha në një deklaratë nga Interi.
Klubi i Giuseppe Meazza-s nuk ka specifikuar arsyet, as kohën e pezullimit dhe mediat italiane raportojnë se mesfushori belg ka mbërritur vonë për stërvitje këtë mëngjes, duke e bërë këtë disa herë që javën e kaluar.
Nainggolan nuk ishte pjesë e ekipit kombëtar belg në Kupën e Botës në Rusi dhe në klubin e mëparshëm Roma ai u pezullua për shkak të dehjes dhe publikimit të përmbajtjeve të papërshtatshme në rrjetet sociale. /tesheshi.com/
