Presidenti amerikan, Donald Trump thotë se është “shumë i zhgënjyer” me Kinën pas raportimit se ky vend ka lejuar transportin e naftës në Korenë e Veriut. Në një postim në Tuiter, Trump thotë se Kina është kapur me “presh në duar”.
Sipas Trump, nuk do të mund të ketë kurrë një “zgjidhje miqësore” të krizës me Korenë e Veriut nëse lejohet eksporti i naftës drejt Penianit. Më herët, Kina e mohoi se ka pasur ndonjë shkelje nga ana e saj të sanksioneve të OKB-së për naftën.
Javën e kaluar, Pekini mbështeti një rezolutë të OKB-së, të propozuar nga amerikanët që përfshinte edhe masa për të reduktuar importet e Koresë së Veriut për naftën deri në 90 për qind.
Hakërrimi më i fundit i presidentit Trump kundër Kinës vjen pasi një gazetë koreano-jugore raportoi se naftëmbajtëse kineze kanë transportuar në mënyrë sekrete naftë drejt anijeve koreano-veriore. /tesheshi.com/
