Edhe kryeminitri i Kosovës Albin Kurti, përdori të njëjtin argument homologu i tij i Tiranës në shpjegimin e pamundësisë për të qenë qeveria ajo që ul çmimin e naftës.
I ndodhur dhe Kurti nën presionin e publikut për ngritjen e çmimeve të karburanteve në tregun e Kosovës, ai tha se kjo është kosto e lirisë dhe demokracisë.
“E di dhe e kuptoj shqetësimin e secilit prej jush që është gjithsecili prej nesh për rritjen e çmimeve edhe pse kjo gjë nuk është shkaktuar nga ne, as si vend dhe as si qeveri. Ajo megjithatë po na prek edhe neve. Kur para 13 ditëve iu bashkuam botës perëndimore për të vendosur sanksione kundër agresionit rus në Ukrainë, një kosto e tillë ishte e pashmangshme. Mirëpo kjo është kosto e lirisë dhe demokracisë”, tha Kurti në një mbledhje të kabinetit qeveritar.
Ai tha se vartësia e Kosovës nga importi është e madhe, pasojë siç tha ai e ish-qeverive të kaluara që nuk e kanë trajtuar me prioritet prodhimin vendor. /tesheshi.com/
