Një krahinë në Bullgari, e dominuar nga e djathta, ka vendosur të ndryshojë emrat e të gjitha rrugëve që rrjedhin nga gjuha arabe ose turke.
Bëhet fjalë për Stara Zagora-n e cila udhëhiqet nga “United Patriots”. Aty, siç është raportuar, janë ndryshuar emrat e 838 rrugëve.
“Riemërimi i një rrugë në Stara Zagora përfaqëson fitoren e patriotizmit dhe bullgarizmit”, tha Alexander Sidi, një anëtar i “United Patriots”, duke thënë se ky hap është një lloj pengese ndaj ndikimit turk në politikën e brendshme të vendit.
Kjo zonë ka qenë e nën sundimin otoman për gati pesë shekuj, por që më pas u godit në forma të ndryshme nga ringjallja kombëtare bullgare e shekujve 17-18. Në Bullgari mbeti një pakicë muslimane që fliste gjuhën turke, siç dhe sot vijon të ekzistojë, – por që ishin nën presionin e vazhdueshëm të Todor Zhivkovit.
Në vitet ’80-të, ky i fundit nisi një praktikë që e detyronte këtë komunitet të sllavizohej në shumë forma, duke nisur që nga emrat. Dhe kjo çoi në largimin e 300 mijë banorëve të atyshëm drejt Turqisë.
Sa i përket realitetit të sotëm, Myftiu i Bullgarisë ka thënë se ka një nivel të lartë të jotolerancës ndaj muslimanëve”. /tesheshi.com/
