Kryetari legjandar i PD-së në bashkinë Kamëz, Xhelal Mziu, ka lëshuar një deklaratë të rëndë gjatë fushatës elektorale duke kërcënuar simpatizantët e dy partive të majta, PS e LSI, se do t’ju shembte shtëpitë nëse nuk heqin flamujt partiakë.
“Kush ka vendosur flamujt e PS-së dhe të LSI-së në çatitë e shtëpive le ta heqë brenda ditës së sotme, pasi nesër do t’i prishim edhe shtëpinë edhe tokën”- dëgjohet të thotë në një video të shpërndarë sot në media.
A do të marrë masa Taske-forca e përbashkët PS-PD e ngritur pranë qeverisë për deklarata të tilla që cënojnë direkt lirinë e qyterarëve për të përkrahur dhe votuar çdo parti politike që duan.
Mziu prej disa mandatesh drejton bashkinë Kamëz. Ai u rizgjodh në krye të saj nga PD-ja dhe pse u akuzua dhe u arrestua për korrupsion në vitin 2013./tesheshi.com/
